Thứ hai, ngày 14 tháng 04 năm 2016

Nau uĕh ăp yôk ŭnh ta Kông viên Neh ntu lam ăp bri dak UNESCO Dak Nong

26/01/2022 07:49 G1T+7

Tĕng uănh kơp bơh ăp phung kan khoa học, Kông viên Neh ntu lam ăp bri dak UNESCO Dak Nong abaơ gĕh 5 yôk ŭnh, tâm nĕ gĕh yôk ŭnh âm n'hanh yŏk ŭnh dương, jêng ntŭk mât mray nau ndâk jêng neh ntu n'hanh ntô Play neh ta mpeh neh aơ.

1. Yôk ŭnh Thuận An

Yôk ŭnh Thuận An (Nâm Rluh hôm dơi moh lah yôk gle) bơh pĭt trong têh bri dak 14, ta thôn Thuận Hạnh, xă Thuận An (Dak Mil). Aơ lah du yôk ŭnh tâm 5 yôk ŭnh iê năm ngăn ngên tâm Kông viên neh ntu Dak Nong. Abaơ, yôk ŭnh Thuận An jêng du ntŭk tâm 44 ntŭk di sản bơh 3 ntŭk hăn pâl tâm Kông viên neh ntu Dak Nong.

 

2. Ăp yôk ŭnh Nâm Kar

Ta trong hăn pâl "Nau mprơ bơh dak n'hanh ŭnh" tâm Kông viên neh ntu Dak Nong, yôk ŭnh Nâm Kar ta thôn Phú Sơn, xă Quảng Phú (Krông Nô); dơi jêng tă bơh 3 yôk ŭnh gĕh du ntŭk sa ônh tơm n'hanh bar ntŭk sa ônh bơh pĭt. Abaơ, ka lơ yôk ŭnh aơ hôm e gĕh dak n'hanh ka nĕ âk bu nuyh bon lan mpeh aơ hôm e moh săk ơm lah yôk ŭnh Nâm Kar (rblang lah yôk ka).

Ảnh: Ban Quản lý CVĐC Đắk Nông

3. Yôk ŭnh Băng Mo

Yôk ŭnh Băng Mo, jêng ntŭk 15, ta trong hăn pâl "Nau mprơ siăl mhe" ta tổ dân phố 4, bon jê Ea T'ling (Čů Jŭt). Băng Mo abaơ jêng du yôk ŭnh dơi bu ndâk nkra ntŭk rlu hăn pâl. Ta jâng yôk ŭnh, hao tât ta mbung yôk ŭnh jŏ tâm 30mnĭt. Dâk ka lơ yôk ŭnh, bu năch hăn pâl dơi gĭt saơ lĕ r'ngôch bon jê Ea T'ling.

Ảnh: Ban Quản lý CVĐC Đắk Nông

4: Yôk ŭnh Nâm Blang (Čů R'luh)

Yôk ŭnh Nâm Blang, kăl e hôm dơi bu moh săk lah yôk ŭnh Čů R'luh, aơ jêng du yôk ŭnh uĕh ngăn ngên tâm ăp yôk ŭnh ta Tây Nguyên, yôk aơ ta xă Buôn Choăh (Krông Nô). Aơ jêng du yôk ŭnh tâm mpeh Kông viên neh ntu Dak Nong bư gĕh 50 trôm lŭ hoch dung nham, jong dăch tât 10.000 met, gĕh nau têh n'hanh nau uĕh ngăn ngên ta Ðông Nam Á, gĕh âk nau uĕh e hŏ dơi bu joi gĭt.

 

5: Yôk ŭnh Nam Dơng

Ta n'qual Čů Jŭt, Nam Dơng jêng yôk ŭnh têh tâl 3 tâm Kông viên neh ntu Dak Nong, gĕh nau uĕh n'hanh hôm dơi bu mât mray. Tĕng prêh ntơm bơh mbung yôk ŭnh, aơ dơi bu moh mbung yôk ŭnh âm, yor uănh ngai n'hanh uănh êp (tâm bán kinhs 1 - 2 km) mô dơi gĭt yôk ŭnh aơ dah rup aơ yôk ri.

Ảnh: Ban Quản lý CVĐC Đắk Nông

Bảo Ngọc

354
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.