Thứ hai, ngày 14 tháng 04 năm 2016

Bon B'Srê B, xă Dak Som (Dak Glong): Bon moh săk n'hor dak

17/06/2021 10:04 G6T+7

Kô ruanh bon K'Bàng n'kôch, bon B'Srê B dơi bu sŏk săk n'hor dak hoch tâm xă Dak Som (Dak Glong) abaơ moh săk ma bon.

Tâm năm rĭ, bu nuyh bon lan rêh bơh pĭt n'hor dak Da Nơng Srê gơi nhŭp ka, nhŭp tui bư trau sa n'hanh bâk dak ngêt sa ŭm tôh . Gơi bu gĭt ntŭk rêh ăp bon lan rêh bơh pĭt n'hor dak aơ, khăn păng lĕ sŏk săk n'hor dak aơ moh jêng săk bon. Moh jŏ jêng mơng jêh rĭ n'hor Da Nơng lĕ jêng săk neh ntu dơi bu moh tâm bon. Tĕng nau Mạ: Da rblang lah Dak, Nơng Srê lah săk n'hor dak. Jêh bri dak dơi tâm lơh sŏk lơi neh ntu bu pit, săk bon Da Nơng Srê lĕ dơi bu r'gâl moh jêng B'Srê.

Năm 1988, yor r'noh bu nuyh rlau nar rlau âk, bon B'Srê lĕ dơi bri dak tâm pă jêng 2 bon lah B’Srê A và B’Srê B. Bon B’Srê B abaơ gĕh 240 r'năk, đah rlau 1.000 bu nuyh, tâm nĕ r'noh bu nuyh Mạ gĕh 77 r'năk sa.

N'hor dak Da Nơng Srê, tô tơm moh jêng săk bon, abaơ lĕ dơi nkra jêng nglau n'gân dak gơi bu nuyh bon lan gĕh dak dŏng tŏ ăp ntil tơm tăm

Lam bon gĕh rlau 700 hec ta neh tăm tơm ca phê…

Tơm si brah tâm bon dơi Bri dak kơp lah Tơm si Kăl e Việt Nam (năm 2021)

Chĭng goong, nau way vâng tanh... dơi bu nuyh Mạ mât mray, hao dŏng tâm nau rêh

Âk r'năk bu nuyh Mạ ta bon B'Srê B lĕ gĕh prăk ndâk nkra ngih wâl têh mbâl

Du ntŭk mpơl bon B'Srê B abaơ

A Trư

3,296
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.