Thứ hai, ngày 14 tháng 04 năm 2016

Rơm ân manh prăk hao nau rêh mpeh bon lan bu nong

22/09/2022 17:58 G9T+7

Chính phủ mhe trŭnh Nghị định 28/NÐ-CP bơh nau kan tín dụng gơi hao nau wăng sa, nau rêh bri bon mpeh bon lan bu nong iê bu nuyh, mpeh yôk, tâm năm 2021-2030. Abaơ, Chi nhánh Ngân hàng Chính sách Xã hội n'gor dôl n'chŭn nao kan gơi bu nuyh bon lan dơi manh prăk ân ngăch.

Chi nhánh lĕ pah kan ndrel M'bŭch kan Bu nong n'gor mbơh ân Ủy ban Bon lan n'gor ntĭm gai ăp n'qual ksiêm ăp bu nuyh dơi manh tĕng nau kan. Chi nhánh dơi Trung ương pă 70 r'me prăk gơi ndâk nau kan. Klăp ta tâm khay 9/2022, prăk aơ dơi bu ân ăp n'qual manh, gơi sâm kơl gĕh prăk dŏng ân bu nuyh bon lan trŭnh nau rêh o-ach, hao nau wăng sa.

Âk r'năk bu nong iê bu nuyh ta xă Quảng Trực (Tuy Ðức) dơi manh prăk gơi hao nau wăng sa

Tĕng nghị định mrô 28, r'năk sa bu nong iê bu nuyh, r'năk o-ach bu nong Yuăn gĕh nau rêh ta ntŭk jêr jŏk ngăn ngên, thôn gĕh nau jêr jŏk ta mpeh bon lan bu nong iê bu nuyh, mpeh yôk dơi manh prăk âk ngăn ngên lah 50 r'keh prăk (ân ma bu nuyh sâm kơl neh gŭ), 40 r'keh prăk (ân ma bu nuyh sâm kơl nkra wâl gŭ).

Ðah nau kơl neh bư mir, r'gâl ndơ kan dơi manh âk ngăn ngên 77,5 r'keh prăk du r'năk sa. Năm dơi ân manh dơi Chi nhánh Ngân hàng Chính sách Xã hội n'hanh bu nuyh manh tâm buăn êng. Tâm 5 năm tơm, bu nuyh manh mô hŏ n'sĭt prăk tơm. Lãi suất ân manh tâm 3% du năm.

Bảo Ngọc

218
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.