Thứ hai, ngày 14 tháng 04 năm 2016

Dak Mil n'hao r'noh kh'lay nau kan bư mir jan ba tĕng kông nghệ mhe

20/04/2022 16:48 G4T+7

Dak Mil lĕ trŭnh Nau n'hêl tâm nau kan n'hao nau bư mir jan ba tĕng kơt kông nghệ mhe tâm r'nglăp đah kông nghiệp nkra n'hanh ndâk nau kan tăch ndơ gĕh tăm n'qual tât ta bri dak bơh tach tâm năm 2021 - 2025. Ntơm bơh nĕ, ăp cấp ủy đảng, n'gâng kan bri dak, phung kan tâm n'qual lĕ n'hâm suan ndâk pah kan âk ntil nau leo kan, nau kơl, nau mĭn kan gơi hao nau kan nâp phêt.

Ndrel ma nĕ, bu nuyh bon lan lĕ janh r'gâl ăp ntil tơm iê play, play mô saơ uĕh đah ăp ntil tơm mhe tâm di ma neh ntu, mih nar... gơi tơm tăm gĕh âk play, play uĕh rlau; tĕng kơt kông nghệ, kĩ thuật, tĕng kơp di nau kan bư mir jan ba gĕh nau kan VietGAP n'hanh hữu cơ, Oganic. Abaơ, Dak Mil gĕh 13 ndơ gĕh tăm dơi kơp lah OCOP 3-4 rmanh; rlau nar rlau dơi tăm âk n'hanh n'hao r'noh kh'lay, n'hao nau uĕh nhãn hiệu, thương hiệu gĕh ca phê, sầu riêng, soài tâm n'qual.... Ðah r'noh neh huy gĕh tăm ndrel ăp tơm bă bă rlau du hec ta gĕh tâm 350 - 400 r'keh prăk du năm. Nsrôih pah kan tât năm 2025, r'noh nau kan bư mir jan ba tĕng kông nghệ mhe tâm n'qual Dak Mil gĕh ntơm 30 -35% đah ma lĕ r'ngôch r'noh nau kan bư mir jan ba lam n'qual, hao gĕh 19% đah ma abaơ.

Âk r'năk bu nuyh bon lan ta Dak Mil lĕ tăm ca phê tĕng nau kan uĕh mhe

Bu nuyh bư mir Dak Mil mât chăm tơm soai tĕng nau kan hữu cơ n'hanh nsrôih n'hao gĕh nau uĕh thương hiệu

Sầu riêng jêng tơm sa play dơi bu tăm âk tâm n'qual Dak Mil lĕ dơi Cục Sở hữu trí tuệ Việt Nam pă nhãn hiệu

Ăp ntil ndơ kơp di OCOP lĕ n'hao r'noh kh'lay, sâm kơl n'hao nau wăng sa, n'hao nau kan bư mir jan ba n'hanh n'sĭt âk ndơ gĕh tăm

Bu nuyh bư mir thôn Tây Sơn, xă Long Sơn (Dak Mil) tăm tơm play kroch ntô đung

Mai Anh

985
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.