Thứ hai, ngày 14 tháng 04 năm 2016

Trong n'gor 6 iơh hô ngăn

04/08/2022 14:59 G8T+7

Trong n'gor 6, găn ta xă Nâm N'Jang (Dak N'Soong) jong rlau 10 km, abaơ trong aơ dôl iơh hô ngăn.

Tĕng ăp bu nuyh bon lan rêh bơh pĭt trong aơ n'kôch ân gĭt, yor rdeh têh rdeng ndơ luh lăp âk lĕ trong aơ ngăch iơh, mô hôm saơ uĕh. Gĕh ntŭk ta trong aơ lŭ plôk, cheng meng, r'huh, âk ntu dak hăt têh, ntu dak hăt jê jru 40 - 60 cm iang dak.

Trong bơh năp wâl chơ Nâm N'Jang rhuh, trong gĕh âk ntu dak hăt têh

Trong iơh lĕ jŏ khă nĕ abaơ mô hŏ dơi bu nkra tay, nĕ bu nuyh bon lan bĭt rdeh jêr ngăn lah găn hăn ta trong aơ.

Bu nuyh bĭt rdeh n'hanh rdeh jêr ngăn găn ta ntu dak hăt tâm klang trong

Dơi bu n'kôch gĭt, tâm ăp khay lĕ lăn bu nuyh bon lan n'hanh rdeh rdeng ndơ găn ta trong aơ yor trong iơh, nĕ gĕh nau tâm tom rdeh, bu nuyh thông lah n'hik săk jăn, bu nuyh jưk hăn ta wâl dak si cấp cứu... Yor nĕ, n'gâng mât nau kan n'hanh n'qual ngăch nkra tay trong ân uĕh, gơi bu nuyh bon lan luh lăp đăp mpăn, nơih.

Gĕh âk ntŭk dak pĭt bư tâm krăp lŭ kloh plôk lĕ r'ngôch

Mai Anh

164
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.