Thứ hai, ngày 14 tháng 04 năm 2016

Mât nau kan n'jrăng ŭnh sa, nkhĭt ŭnh n'hanh kơl bu nuyh ta ntŭk gĕh ŭnh sa

23/08/2022 20:55 G8T+7

Tâm ăp năm lĕ lăn, nau kan n'jrăng ŭnh sa, nkhĭt ŭnh n'hanh kơl bu nuyh ta ntŭk gĕh ŭnh sa dơi ăp m'bŭch kan tâm n'gor mât ntĭm gai ndâk âk nau kan gơi trŭnh r'noh gĕh ŭnh sa yor ŭnh sa, r'toh, nô nau bă bă bư gĕh. Phung Cảnh sát n'jrăng nkhĭt ŭnh sa - kơl bu nuyh ta ntŭk gĕh ŭnh sa way bơh, rblang, ntĭm pháp luật, nau gĭt tâm nau kan kơl bu nuyh ta ntŭk gĕh ŭnh sa tât ta ăp m'bŭch kan, ntŭk kan n'hanh Bu nuyh bon lan; n'jrăng nau gĕh bŭk dak ma kon se; đăp mpăn nau dŏng điện; ăp ntil nau ntĭm kơl bu nuyh ta ntŭk gĕh ŭnh sa n'hanh nau blau du nchuăt lah gĕh nau r'toh, nau tât, ŭnh sa...

Phung Cảnh sát n'jrăng nkhĭt ŭnh sa n'hanh kơl bu nuyh ta ntŭk gĕh ŭnh sa. Công ti Nhôm Dak Nong - TKV nti nkhĭt ŭnh sa ta ntŭk kan

Kơp ntơm khay 8/2017 tât khay 6/2022, lam n'gor gĕh 50 nau tât, nau ŭnh sa. Phung Cảnh sát n'jrăng nkhĭt ŭnh sa - kơl bu nuyh ta ntŭk gĕh ŭnh sa lĕ pah kan gĕh 78 tâ kơl bu nuyh ta ntŭk gĕh ŭnh sa đah 452 bu nuyh kan bộ, ka han pah kan, kơl gĕh 21 nuyh; ntĭm du nchuăt ŭnh sa ân 24 nuyh. Ăp phung kan bă bă Công an n'gor hôm ntĭm 142.115 nuyh cài đặt n'hanh dŏng App “Mbơh ŭnh sa 114”; pă 6.230 săm bŭt rŏ n'hanh 3.571 r'năk sa, r'năk tăch drăp kí săm bŭt buăn nau kan đăp mpăn n'jrăng nô nau ŭnh sa.

Phung Cảnh sát n'jrăng nkhĭt ŭnh sa n'hanh kơl bu nuyh ta ntŭk gĕh ŭnh sa, Công an n'gor kơl bu nuyh khĭt bŭk dak ta nglau dak nkra điện Dak R'tih (Gia Nghĩa)

Ta ăp khay bơh kơi aơ, ăp m'bŭch, ăp ntŭk kan nchŭn nau kan gơi ntĭm, đă pah kan n'jrăng nau tât, n'jrăng nau ŭnh sa, ta ăp ntŭk gĕh âk bu nuyh bon lan gŭ, ăp wâl prêh, wâl chơ tăch r'văt drăp, siêu thị, mpeh khu công nghiệp, cụm công nghiệp, wâl dak si...

Trường Thịnh

208
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.