Thứ hai, ngày 14 tháng 04 năm 2016

N'jrăng nô nau bu mbruh, tăch bu nuyh ta Drôn

07/07/2022 14:17 G7T+7

Ta ăp khay lĕ lăn, Kông an ăp n'gor Trung - Tây Nguyên dơn nao nau săm bŭt kuăl dăn nau kơl bơh ăp r'năk gĕh oh kon bu mbruh tăch ta Drôn pah kan. Nau n'kôch tâm ban bơh ăp bu nuyh bu tăch aơ lah iăt nau bu jă dơn nau kan "nau kan nơih prăk âk".

Kông an n'qual Dak Mil mbơh ntĭm bu nuyh bon lan hao nau n'jrăng đah phung gĕh nau m'hĭk

Âk bu nuyh dơn hăn pah kan ta Drôn jêh rĭ bu m'hĭk ntĭm trong hăn, njŭn tât ta ăp kông ti yor bu nuyh Trung Quốc bư kô ruanh. Ta aơ, bu nuyh Việt Nam lĕ pah kan ndrel ma bu nuyh Trung Quốc jao nau kan n'hanh ntĭm ăp bu nuyh aơ njêng tài khoản mạng xã hội gơi mbuh jêng bu nuyh kan joi kộng tác viên, bu nuyh kan ta ăp sàn đầu tư tài chính, bu nuyh kan ta ăp n'gâng kan bri dak...

Ăp bu m'hĭk đă bu nuyh aơ pah kan gĕh âk nau mbruh tâm du khay, lah mô dơi pah kan khăn păng kơp tih nau rbuăn pah kan n'hanh kuh prăk tâm 1.000 USD du khay. Lah mô iăt nau khăn păng ntĭm khăn păng dông, mô ân ndơ ngêt sa.

Gĕh âk bu nuyh bu jă tât ta Drôn pah kan aơ mô dơi kan dŭt nau kan bu jao. Lah ŭch sĭt ta Việt Nam, khăn păng đă kuăl ma r'năk plâ n'sĭt prăk rbuăn nau kan n'hanh kuh prăk.

Yor nô nau aơ bơh tach bri dak he nĕ n'gâng kan tâm bri dak jêr tâm mâp, n'hanh gĕh nau n'gang ân ngăch. Yor phung m'hĭk aơ mô gĭt tô tơm săk jăn băl mpôl, ntŭk gŭ nĕ bư gĕh nau jêr tâm nau trĕng, kơl.

Aơ jêng du nau ntĭm n'jrăng nô nau bư băl ta mạng xă hội nĕ gĕh bu jă, bu mbuh nĕ đơng gĕh nô nau "prăk roh, mô dơi kloh nau tih tâm nuih n'hâm". Bu nuyh bon lan hao nau n'jrăng, n'gang phung m'hĭk gơi mô gĕh phung m'hĭk kuăl jă bư gĕh nau tih.

Bảo Ngọc

166
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.