Thứ hai, ngày 14 tháng 04 năm 2016

6 khay n'gul năm, nô nau tâm tom rdeh trŭnh 3 ntil nau

30/06/2022 17:16 G6T+7

Tĕng Jrô Cảnh sát giao thông Kông an n'gor, lam n'gor gĕh 26 tâ tâm tom rdeh bư 17 nuyh khĭt, 15 bu nuyh sôt săk jăn, iơh 43 rdeh; roh ndơ kơp klăp lah rlau 439 r'keh prăk. Ðah n'gul khay aơ năm e, r'noh tâ tâm tom rdeh trŭnh 27,72%; r'noh bu nuyh khĭt trŭnh 10,5%; r'noh bu nuyh sôt săk jăn trŭnh 44,4%.

Gơi gĕh nau uĕh aơ, phung cảnh sát giao thông way hăn ksiêm, mât ta ăp mông kh'lay ta ăp trong, ăp trong jêr n'hanh ndâk nau kan chuyên đề nồng độ cồn, ma túy, rdeh rdeng ndơ jưk, bĭt ngăch n'hanh n'gang nô nau tâm rlong rdeh. M'bŭch kan hôm nsrôih mbơh ntĭm ân bu nuyh bon lan mpeh ngai, mpeh vêch, mpeh bon lan bu nong iê bu nuyh; mpơl phim mbơh ntĭm nau mô uĕh bơh nau tâm tom rdeh, luật Bĭt rdeh hăn ta trong, pă săm bŭt n'hanh môk n'kar săk ân ma bu nuyh bon lan. Yor nĕ, nô nau tâm tom rdeh tâm lam n'gor trŭnh 3 tâ gĕh tâm tom, trŭnh r'noh bu nuyh khĭt, r'noh bu nuyh sôt săk jăn; sâm kơl mât đăp mpăn nau bĭt rdeh luh lăp ta ăp trong.

Jrô cảnh sát giao thông mbơh ntĭm ân bu nuyh bon lan xă Hưng Bình (Dak R'lâp) luật Bĭt rdeh hăn ta trong

Pă săm bŭt mbơh ntĭm luật bĭt rdeh hăn ta trong ân bu nuyh bon lan xă Thuận An (Dak Mil)

Phung Cảnh sát giao thông kân rdeh rdeng choih jưk ir ta trong têh bri dak 28

Mai Anh

164
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.