Bu nuyh bư mir mât chăm tơm mi nga tăch ta nar Têt Nguyên đán

Ta ăp nar abaơ, ta ăp r'năk tăm tơm mi nga tâm lam n'gor Dak Nong dôl drăp jăp mât chăm ăp nil tơm mi nga, tơm si gơi gĕh ndơ tăch ta nar Têt Nguyên đán Nhâm Dần 2022. Ðah ăp ntil kao mi nga gĕh kao mi nga cúc, kao mi nga li, kao mi nga lay ơn, kao mi nga hồng, kao mi nga lan..., tĕng ăp ntil tơm mi nga nĕ bu nuyh bon lan tăm ơm ma mô.

A abaơ, bu nuyh bon lan dôl mât chăm gơi tơm mi nga ngăch jêng, koh n'kĭng, koh mlom... Bu nuyh bon lan tăm tĕng nau mbên n'hanh mât chăm ân uĕh gơi tơm mi nga blang kao di nar tăch kh'lay r'noh prăk. Tĕng ăp bu nuyh tăm tơm mi nga, năm aơ trôk nar mô saơ tâm di n'hanh rnih tơm mi nga mô saơ uĕh nĕ âk ntŭk tăm mô saơ jênhg. Klach mô gĕh bu r'văt yor gĕh nau ji tưp nĕ âk r'năk bu nuyh bon lan tăm iê dơm đah ma năm e...

Bu nuyh bon lan nthăng rse gơi jră tơm mi nga song, mô gĕh chôt lah gĕh mih rsiăl

Jêh pơk ŭnh ang măng, tơm mi nga cúc dôl luh mlom, yor nĕ bu nuyh bon lan dôl sui phân, tŏ dak n'hanh koh n'kĭng

Gơi mi nga blang tâm ban, uĕh, he mât chăm n'hanh koh n'kĭng ân di ma ăp chậu tăm tơm mi nga

Bu nuyh bon lan dôl nsrôih mât chăm đah nau dăn gĕh du yăn tăm gĕh kaomi nga uĕh, tăch kh'lay r'noh prăk

Bu nuyh bon lan rôk tơm mi nga ly ntu ndrŭng sa, tơm mi nga mô saơ jêng

Hồ Mai