Thứ hai, ngày 14 tháng 04 năm 2016

Long Sơn n'hao dăng nau kan bư mir jan ba

03/03/2022 09:08 G3T+7

Xă Long Sơn (Dak Mil) abaơ gĕh rlau 420 r'năk, rlau 1.800 bu nuyh, r'noh bu nong iê bu nuyh gĕh Tày, Nùng, Dao... tâm 97%. Long Sơn kơp sŏk mpeh neh ntu n'hanh dŏng ăp ntil tơm tăm, uănh kh'lay nau kan tâm ca phê, tiêu, tơm sa play... gơi n'hao nau wăng sa. Bơh đah nĕ, xă nsrôih kơl ntĭm njŭn khoa học kĩ thuật ma bu nuyh bon lan, rlau nar rlau njŭn, plăch r'gâl ăp ntil tơm tăm, r'gâl ntŭk neh mô hôm saơ jêng, r'gâl tơm ca phê, mô gĕh play âk gơi tăm ăp ntil tơm gĕh âk play, tăch kh'lay r'noh prăk nĕ nô nau wăng sa yor tăm ăp ntil tơm aơ rlau năm rlau hao.

Tât abaơ, tâm 2.000 hecta neh bư mir jan ba, xă lĕ ndâk njêng ntŭk tăm ba lŏ; mpeh neh ntu tăm tơm kông nghiệp, tuh vanh tâm 1.700 hec ta. Nau kan mât rong hao gĕh tâm 10.000 ndrôk rpu, pêp iăr. Gĕh n'sĭt du he bu nuyh tâm nau pah kan du năm rlau 32 r'keh prăk.

Long Sơn lĕ ndâk njêng ntŭk neh ntu 180 hec ta tăm ba lŏ 2 yăn du năm, gĕh n'sĭt tâm 7 tân du hec ta

Bu nuyh bư mir xă Long Sơn r'gâl neh tăm ca phê lĕ jŏ năm, play mô hôm âk gơi tăm ăp ntil tơm sa play n'sĭt âk prăk tâm nau wăng sa

Abaơ, xă Long Sơn lĕ pah kan dŭt 95% nau nchră bư mir jan ba yăn đông xuân 2021-2022

Trong hăn luh bư mir lĕ dơi bri dak nkra trong bê tông, sâm kơl bu nuyh bon lan gĕh trong hăn luh bư mir

Nau kan rong be bơh r'năk nô Hà Văn Cường, bu nong Nùng gĕh n'sĭt rlau 150 r'keh prăk du năm

Âk r'năk bon lan bu nong iê bu nuyh lĕ r'văt ăp ntil măy dŏng bư mir jan ba

Y Sơn

2,475
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.