Thứ hai, ngày 14 tháng 04 năm 2016

Gĕh n’sĭt rlau 200 rkeh prăk du hec ta yor tăm ndrel ca phê, tiêu

01/12/2016 09:58 G12T+7

Yor tăm tiêu ta tơm si rêh tâm đang ca phê nĕ rnăk nô Triệu Sinh Tiến, bu nuyh Dao ta thôn Ðức Bình, xă Ðức Mạnh (Dak Mil) gĕh n’sĭt prăk dŏng rlau 200 rkeh prăk du năm.

Năm 2012, rnăk nô tiến tăm dăch tât 1.000 tơm ca phê n’hanh 700 rhiăng tơm ta ru gơi bư gâng tăm tiêu ta neh huy lơ du hec ta. Tĕng nô Tiến n’kôch, tơm a ru dŏng bư gâng tăm tiêu uĕh ngăn tâm nau pah kan bư mir tâm ban: trŭnh rnoh prăk dŏng tâm nau kan, n’ha ta ru uĕh ngăn đah neh tăm, tơm si uĕh, reh ntâng sa jru tâm dâng neh nĕ mô gĕh tâm pĭt buh sui đah tơm tiêu n’hanh ca phê. Tơm ta ru tăm ngăch ngăn têh (tăm ntơm 1 năm tât 2 năm nĕ he dơi tăm tơm tiêu ân păng rêng jêng), mô dơi tăm âk ir, gơi ding siăl, lŏ bư nhâm ân tơm tiêu n’hanh cà phê. Yor nĕ, n’gang tu ndrung, nau ji tưp an ân ma tơm tiêu… Năm 2015, nô Tiến gĕh n’sĭt tât 2,5 tân grăp ca phê lĕ tă kĭn, rlau 2 tân tiêu. Năm aơ, yor mray uĕh, rse tiêu têng ta tơm ta ru lơ 7 met, nô mĭn lah gĕh n’sĭt tiêu rlau 2 tâ đah năm e.

Tiêu tăm ta tơm ta ru ngăch jêng ngăn, năm aơ nô mĭn lah gĕh pĕ 7 kí tiêu kro ta du gâng

Neh tăm ca phê ât gĕh n’sĭt tâm 2,5 tât 3 tân ca phê lĕ tă kĭn

Nô hôm e dŏng neh dăch kơh dak kuyh ntu rong ka, rong na nao lơ 150 pêp, iăr… gơi n’hao tay prăk gĕh n’sĭt tâm nau kan, dŏng sa ôi mhau tâm rnăk

H'Mai

1,453
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.