Thứ hai, ngày 14 tháng 04 năm 2016

Bư brah ba mhe bơh bu nuyh Bu Nong n'hanh R'đe

17/02/2022 10:19 G2T+7

Ta ăp năm, ba mir jêh bu nkhŭt tâm jrŏng, bu nuyh Bu Nong, R'đe way ndâk nau Bư brah ba mhe gơi lah uĕh n'hanh dăn brah yang ân uĕh nau uĕh jêng ma yăn bơh kơi. Bư brah aơ way dơi bu ndâk kan tĕng r'năk sa, tĕng jrŏng rnoi jêh rĭ tât lam bon.

Jrŏng ba dơi bu rơm n'hanh ăp ntil ndu ndơ dŏng bư brah

Nau bư brah aơ gĕh nau mbăh brah yang ta tơm gêy n'hanh bư brah ba mhe, bư brah dăn gĕh nau uĕh lăng săk jăn ta jrŏng ba. Ndơ bu dŏng bư brah gĕh: ba mhe, ndrănh yăng, iăr, grăp ăp ntil tơm dơi bu sŏk tă bơh mir... Lah bư brah têh tĕng bon lan bu way gŭch sur, gŭch rpu. Ta tơm gêy, bu jâu lăch ta ko iăr sŏk siên phe dơ m'ham jêh rĭ m'hĭng m'ham iăr ra tơm gêy, mbăh kuăl brah yang tât rbŭn.

Bu jâu bư brah lah yang ta tơm gêy

Jêh bư brah lah yang, bu jâu n'khŭt ndrănh yăng ta jrŏng ba, ân ndrănh hoch mbrơi mbrơi ta jrŏng ba tât ta ntŭk du huê bu ur gŭ dơ ndrănh. Bu jâu m'hĭng m'ham iăr rklai n'hanh ndrănh ta ăp ndơ dŏng n'hanh ăp bu nuyh tâm r'năk sa gơi dăn gĕh nau uĕh lăng săk jăn, gĕh nau lap tât. Dŭt nau bư brah, bu jâu n'hanh ăp bu nuyh ngêt sa, n'kôch bri, tâm lah uĕh dăn du yăn srih tăm mhe gĕh n'sĭt âk drăp ndơ.

Nau bư brah aơ dơi bu tŭr chĭng drưh đrưh

Hồ Mai

509
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.