Thứ hai, ngày 14 tháng 04 năm 2016

Tuy Ðức uănh kh'lay nau kan n'hao âk đảng viên tâm bon lan bu nuuyh Mông

22/06/2022 17:45 G6T+7

Ðảng bộ n'qual Tuy Ðức trĕng nau kan ndâk njêng n'hanh n'hao Ðảng đah bon lan bu nong iê bu nuyh (tâm nĕ gĕh bu nuyh Mông), mpeh gĕh chroh jêng du ntil nau kan kh'lay, sâm kơl bư gĕh bu nuyh kan bộ ta cơ sở n'hanh n'hao nau kan ntĭm gai nau wăng sa - nau rêh bon lan lan tâm n'qual. Ăp năm, Ðảng bộ sâm kơl pơk jrô ntĭm gĭt nô nau Ðảng ân bu nuyh gĕh nau pah kan uĕh. M'bŭch kan Ntĭm sơm n'qual hôm pơk ăp jrô bổ túc văn hóa ân bu nuyh gĕh nau pah kan uĕh lah bu nong iê bu nuyh gơi bư gĕh nao nao bu nuyh kan tâm Ðảng.

Nau n'kôch tâl 1: Ăp "grăp rnih chăng" bơh Ðảng bu nuyh Mông

Tĕng nau trŭnh kan bơh Ðảng, Bri dak tâm nau kan n'hao đảng viên bu nong iê bu nuyh, N'qual ủy Tuy Ðức lĕ tĕng kơt nau kan, jao nau kan ân ăp chi bộ, đảng bộ gĕh âk bon lan bu nuyh Mông gơi mbơh bu nuyh gĕh nau pah kan uĕh, ntĭm ren, hao bư đảng viên mhe. Tâm nĕ, Ðảng bộ n'qual trĕng kơl ntĭm sŏk bu nuyh gĕh nau pah kan uĕh, bu nuyh gĕh nau blau bư mir jan ba, gĕh nau blau pah kan tâm bon lan, bu nuyh gĕh chroh.... lăp Ðảng.

Jêh dơi bu r'nglăp Ðảng, ăp đảng viên lĕ n'hao uĕh nau kan, jêng "grăp rnih chăng" tâm ăp ntil nau kan; leo pah kan lor, pah kan uĕh tâm nau rêh n'hanh nau bư mir jan ba gơi bon lan tĕng kơt; sâm kơl n'hâm suan bư hao nau wăng sa, hao nau rêh bon lan ta ntŭk rêh...

Biểu đồ số lượng TCCS Đảng và đảng viên. Đồ họa: Hồ Mai

N'qual ủy Tuy Ðức ndâk nau kan ntĭm Lý luận chính trị ân đảng viên mhe

Kô ruanh M'bŭch kan Mặt trận, Kô ruanh Chi hội bu ur, Bí thư Chi đoàn bản Tân Lập, xă Dak Ngo, nĕ Hờ Thị Ly (tâm klang) dơi bu đă hăn nti cảm tình đảng

Bu nuyh gĕh nau pah kan uĕh Vàng Seo Dính, bản Ninh Hòa dơi Chi ủy ntĭm nchih lý lịch bơh bu nuyh dăn lăp Ðảng

Ðảng viên mhe Vàng A Súa, bản Ninh Hòa, xă Dak Ngo nsrôih pah kan bư mir jan ba

A Trư - Y Sơn

2,264
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.